قصة سندريلا باللغة المصرية -لاتفوتكم-

قصة سندريلا باللهجة المصرية لاتفووتكم


تدخل مرات الاب على سيندريلا في الدولاب الي بتنام فيه
مرات الاب : بت يا سندريلا اصحى يا بت كاك خابط فى نفوخك
سندريلا : اييييه يا مرات ابويا خمسه دقايق اخطف حلم سريع بس وحقوم
مرات الاب: قومى يا بت قامت قيامتـك
وصحيت سندريلا وهى بتأفأف وتفتــف
مرات الاب : يـاله قومى اكنسـى وامسحى على ما نيجى
سندريلا : وانتو رايحين فين ومتزوقين كده وكل واحده عامله نيو لوك روش
مرات الاب : رايحين حفله الامييير اللى حيختار واحده عشان يتجوزهـا
سندريلا : خدونى معاكو انا عاوزه اروح بليز بليييييييز
مرات الاب : ايه بليز دى كتك القرف وتروحى فين يا بلبسك المهرول ده انا عايزه ارجع الاقى البيت بيبرق من نضافته
ومشيت مرات الاب وبناتهاالخمسة وقعدت سندريلا تعيـط وتئوأء
وفجــأه طلعتلها الســاحره من البوتاجاز
الساحره : مالك يا سندريلا
سندريلا : كان نفسى اروح معـاهم الحفله بتاعة عمرو دياب بس لبسى مقطع و موبايلى مفهوش كريدت(رصيد) ولابسه شبشب بصباع
الساحره : ولا يهمك
وطلعت الساحرة من جيبها الموبايل وطلبت الاتليه بتاع مدام لولو يبعتو فستان وجزمه اخر موديـل
فرحت سندريلا ولبست وحطط الايشادو ورشت البرفان
بس الساحره قالتلها : قدامك للساعه 12 لازم ترجعى والوقت كالحبل ان لم تقطعة ربطك وكعبلك وقعد يخنق فيكى...........
انا صعيديه ودمى حامى ومعندش بنات تتأخر
و لو اتأخرتى حترجعى زى ما كنتى بلبسك القديم وسط الناس يامعفنة انتى بتبيئة اصلا
سندريلا : حاضر حاضر اما ساحره زبالة صحيح
سندريلا من البيت لقت الساحره مجهزة عربية هوندا ركبت سندريلا وراحت ع القصـر
ولفت جمــالها كل اللى موجودين و اول ما عين الامير وقعت عليها راح وطلب يرقص معاها و وافقــت
نظرات ... همسات .... صمــت ........ حــــب
ترررررررررن ترررررررررررن
سندريلا : ده الساحره بتدينى ميسد كول .. يا خبر الساعه 12
وقامت طالعه تجرى وقال ايه ... وهى بتجرى فرده الجزمه اتخلعت.. و خدها الامير المعجب و نده للوزير
الامير : يا وزيرهيثـــــم
الوزير : امرك مولاى
الامير : خد الجزمه دى اسحبلى صورتها اسكانر
و نزل صورتها فى كل الجرايد و ع الويب سايت بتاع قريتنـا
واكتب الى صاحبه هذه الجزمه التوجهه للقصـر الملكــى فوراااااااااا
بنات كتير جدا راحو و الجزمه مجتش على مقاس حد فيهم (ال يعنى سندريلا مقاس رجليها رجل معزه )
وبعد كده شاهدت سندريلا الاعلان عن فرده الجزمه على ام بى سى تو
مع انه معملش اعلان خالص على القناة دى
وقامت بالتوجهه الى القصر وتزوجت هى والامير
وعاشو فى تبات ونبات وخلفو تواءم ملتصق وشويه بنات
وان شاء الله تعجبكم القصه




م ن ق و ل

تسلمى كتييييييييير روووووووووووووووووعه :oops:

شكرا على مرورك يا عسل :)

شكرااااااااااااااا يسلمووووووووو

شكرا على مرورك :)

هههههههههههههههههههههههههههه
حلوة كتيييييييييييييييييييييييييييييييير

عفوا

هذا واجبى

شكراااااااااا جميل مع انني لا افهم اللهجة المصرية :حخيبحهت:
ههههههههه
لكن فهمت شي شويا
المهم شكراا كثير

يسلموووووووووووووووو
:flower:

عفوا
هادا واجبي

تسلم ايدك :lol!:

شكرااااااااااااااااااااااااااا