لذكرياآتـ..ـي مكـ..ـاآن هنـ..ـاآ مدونتى

تذكير بمساهمة فاتح الموضوع :

السلاآم عليكم ..

بما إنني قررت أن أكتب كل ذكرياآتي }} طبعــاً إلي بتذكرهـاآ : ..

وكل ما سيحدث معـ..ـي ..

ولكن يشرفنى ان اكون اول من كتب فى هذا القسم

رح أعرفكم على نفسى اولا

اسمى هو فاتن لطالما جننت الكثيرين منكم ولم اقل لهم اسمى الا بعد عذاب كبير هههههه بس هم عرفوا

الهوايه ان اكون متحريه هذه هوايتى المفضلة ان اتحرى

قدوتى فى عالم الانمى هو سينشى كودو لانه ذكى جدا

مكانى مع عالم الزهرة حيث اسعد الجميع

يتبع

اللى سحرالكل بشكله وحلاوته بانمى السراب
اكيد عرفتوه هو تاماهومى لذكرياآتـ..ـي مكـ..ـاآن هنـ..ـاآ مدونتى - صفحة 2 47672

ياسلام على كل حاجه صوت قوة جمال
دم خفيف وظريف ولطيف
وشجاع دا حلم اى حدا
بتمنى انو يكون لى بالمستقبل
خطيبى يعنى يكون مثله بكل شىء
لاتضحكوا رح اثبتلبكم هذا ههههههه
لانى شخصيتى مثل ميارا وشقيه واحب الضحك والهزار والفرفشه مثلها
وعليا ضرب مثلها
وانا متاكده انو الكل عاجبه تاماهومى
يكتفى انه المبدع عادل ابوحسون
صوته حلو كتير

يااااااااااه بقالى من اربع سنين اخر مرة كتبت فيها حاجه هنا
30 يونيو كان اخر يوم ليا فى الثانويه العامه ودخلت كتبتها هنا
بس دلوقتى انا خلاص خلصت كليه عشان كده ناويه اتكلم شويا هنا

عارفه طبعا انو محدش هيدخل ويشوف الكلام دا
بس معرفش ايه اللى خلانى اكتبه يمكن عشان من شويا
كنت عماله اقرا فيهم ووحشتنى ايام زمان
وعماله اضحك على الكلام اللى بكتبه وبقول اد ايه كنت صغيرة وكنت بتكلم باللهجات التانيه بئى واضحك على نفسى بالكلام
عشان كده قررت انى اكتب علشان ابقى اخلى ولادى يدخلو يتفرجوا علىها ويعرفوا اد ايه امهم كانت مجنونه بالكرتون
ماعلينا خلاص الموضوع بئى ذكرى بس انا هكتب بئى عشان حتى لما ادخل وانا عندى 30 ولا 40 سنه افتكر اليوم اللى كنت بكتب فيه وانا عندى 21 سنه

اخر مرة كتبت فيها لما خلصت امتحانات الثانويه العامه 30 يونيو
طبعا فى تغييرات كتير حصلت بعد الفترة دى دخلت الكليه وكمان الكليه اللى كنت عاوزاها كلية الحقوق
وطبعا فرحت اوى بجد

اول يوم ليا فى الكليه كنت داخله ومش عارفا حاجه ولا عرفا حد لغيت ماشفت كم صاحبه معايا ف كانوا ف الثانوى ولاقيتهم فى الكليه
فرحت كتير اننا هنبقى مع بعض فى الكليه وهما ايه وهدير واسماء وهدى وسماح
فضلنا مع بعض الاربع سنين دول
طبعا الكليه دى مختلفه عن الثانويه جداااا عالم تانى خالص

لاننا بنتعرف على ناس مختلفه ومن محافظات ومناطق تانيه
وبيدخل فى حياتنا ناس ويخرجوا منها وتلاقى ناس تانيه
اى نعم مكونتش صداقه كتير فى الكليه لانى مكنتش بروحها كتتير
بس الناس اللى اتعرفت عليهم حبيتهم بجد
وهما الناس اللى قعدت معاهم ايام الامتحانات دى علاقتنا كانت زايده مع بعض
وفى ناس تانيه اتعرفت عليهم فى الكليه
بس اكتر بنت حبيتها بجد صاحبتى فاطمه عسوله ومحترمه وبتحبنى وبحبها جدا ودايما ع اتصال ببعض

طبعا وانا فى اولى كليه مكنتش عارفه طريقه المذاكرة ازاى

ولافاهمه حاجه لان الموضوع مختلف تماما عن ايام الثانويه
طبعا ذاكرت بس اتظلمت صراحة ومنهم لله ادونى مقبول ساعتهاا
مع انى كنت بذاكر اوى
بس الكليه دى حظ بئى فى ناس متذاكرش ويدوها تقديرات واللى يذاكر ويكتب مياخدش وغير طبعاا التوصيات اللى على الناس كله ماشى بالكوسه
طبعا حسيت بالظلم

بس ربنا عوضنى بعد كده فى باقى السنين وبقيت اجيب تقديرات حلوة بس ربنا يسترها السنه دى وانا فى سنه 4 واجيب تقدير حلو اوى
افرح بيه يااااارب
طبعا فى حاجات فى النص حصلت هحكيها

طبعا دخلت الكليه حوالى يوم 1 اكتوبر

وعديت سنه اولى كليه بحلوها وبمرها
اتقدملى واحد وانا فى امتحانات التيرم التانى وانا فى سنه اولى
الشخص دا اتخطبت له سنه ونص
بس كنت كرهاه جداااا وكنت مجبوره عليه

البنى ادم دا اكتر حد كنت كرهاه وغير جدا وهو كان عارف انو انا بكرهه وكان عوزنى احبه غصبا عنى
بس الحمد لله ربنا انقذنى وفركشت معاه بعد سنه ونص يعنى وانا فى 3 كليه فى بدايتها كده
وبعد كده بئى

بحوالى 3 شهور اتقدملى حد بجد ربنا يخليه ليا دلوقتى مخطوباله
وربنا يخليه ليا وميحرمناش من بعض مرتحاله جدا وكويسين الحمد لله وهنتجوز قريب كمان اهو

وان شاء الله ربنا يسعدنا ونفضل مع بعض على طول وبعدين مهما اتكلمت احتمال اتكسف بصراحه

طبعا بعد ثورة يناير والاحداث اللى حصلت
وانا ف كلية حقوق فطبعا عارفه وفاهمه عن باقى صحابى اللى بيحصل ف البلد والاحداث خصوصا الناس اللى دخلت اداب او تجارة او تربيه او هندسه او صيله او طب
وكنت بتنطط عليهم بخبرتى بئى
بس اهى عدت وانتهت ايام الكليه

جه اليوم المنتظر ا يونيو
اللى بنهى فيه اخر يوم فى امتحاناتى اليوم اللى التاريخ هيسجله
كنا يوم الاتنين اخر يوم على اد مافيه فرح انو بنهى اخر يوم فى امتحاناتى ف الكليه او نهاية التعليم
على اد مكنت زعلانه انو صحباتى اللى اتعرفت عليهم مش هشوفهم تانى
وانك بتودعهم بس كل دا عدا على خير
وطبعا بعد مخلصلت اخر ماده
لاقيت مامتى حبيبتى واخويا الصغير جايين ليا وماما عزمتنا على الغدا واتفسحنا ومشينا ع الكورنيش بجد يوم عمره مهيتنسى

وبالنهايه دى اخر مدوناتى

ممكن اكتب هنا بعد كم سنه وممكن مكتبش بس انبسطت كتير انو رجعت كتبت هون بعد 4 سنين
وانا عمرى 21 سنه ونص على شهر 9 هكون جبت 22صحيح العمرى بيجرى لانى انا هنا بالمنتدى من وانا عندة حوالى 15 سنه
بس انبسطت كتير بمعرفتكم وكتير رح يوحشونى صحباتى اللى بالكليه
وانا كمان على تواصل بصحباتى اللى كانوا معايا ف الثانويه صحيح انو منهم اللى اتجوز وكده بس احنا مع بعض وعلى تواصل مع بعض
وبالنهايه دمتم بود